நண்பனிடம் ஓசி மை வாங்கி தேர்வு எழுதிய நியாபகங்கள்!
குறைந்தே போனது ஓசி மை தந்த பிணைப்புக்கள்!
பிணைப்புகளை ஓரங்கட்டிய, ”யூஸ் அண்ட் த்ரோ பேனாக்கள்” !
பெரிய இடத்து நண்பர்களிடம் மட்டுமே உலா வந்த ஹீரோ பேனாக்கள்
ஹீரோவையும் சென்றவிடம் தெரியாமல் அழித்த ரேனால்ட்ஸ் பேனாக்கள்!..
ரோட்டோமேக்ஸ் போன்ற இன்னும் பல “பிளாஸ்டிக்” அரக்கன்களை,
”பேனா உருவில்” வரவேற்ற தலைமுறை நாங்கள்..
”பேனா உருவில்” வரவேற்ற தலைமுறை நாங்கள்..
கண்ணாடி டம்ளரில் மட்டும் டீ குடித்து வளர்ந்தவர்கள் நாங்கள்!
யூஸ் அண்ட் த்ரோ கப்-பில் குடித்தால் நாகரிகமென்று நினைக்கத் துவங்கிய தலைமுறையும் நாங்களே!!!
வாழை இலையில் உணவருந்தி வளர்ந்த தலைமுறையும் நாங்கள் தான்!
நெகிழித்தாள் இலையில் அவசர உணவகங்களை
உருவாக்கிய தலைமுறையும் நாங்களே தான்!
உருவாக்கிய தலைமுறையும் நாங்களே தான்!
அண்ணாச்சி கடையில் பழைய செய்தித்தாள் பொட்டலங்களில் பருப்பு, சீனி வாங்கிய நியாபகங்கள்!
”அருமை(!) அங்காடி”களில் (Super Market), நெகிழிப்பை பொட்டலங்களில் வாங்கினால் ஹைஜீனிக் என்று நினைக்கத் துவங்கியதும் நாங்கள் தான்!
சில்வர் டிஃபன் பாத்திரங்களில் உணவு வாங்கிய தலைமுறையும் நாங்களே
நெகிழிப்பை பார்சல் உணவை வேண்டியதும் நாங்களே!
இவ்வாறு தினசரி வாழ்வில் ஒன்றோடு ஒன்றாக இணைந்து விட்ட ”யூஸ் அண்ட் த்ரோ” வாழ்வியல், நம் உறவுகளையும், நட்புக்களையும் யூஸ் அண்ட் த்ரோ-வாக மாற்றுவது வெகு தூரத்தில் இல்லை!!
வேதனையுடன்....
-- தெய்வேந்திரன்
No comments:
Post a Comment