வாய் நிறைய ஆங்கில வார்த்தைகள் ..
கை நிறைய விளம்பர குறுஞசீட்டுகள் ..
வசதி இருந்தால் இருசக்கர வாகனம்..
இல்லன்னா மாத பேருந்து பயண அட்டை..
வீட்டு உணவு உண்ண பூங்கா, இரயில்நிலையம்..
இல்லன்னா நல்ல உணவு விடுதி(!) ..
வெயில் மழை பார்க்கா வேலை
பார்த்து செய்தால், இல்லை வேலை.
நடு இரவில் ஓட்ட பந்தயம்
எனக்கும் என் தெரு நாய்க்கும்
தினமும் நூற்றுக்கணக்கான சந்திப்புகள் ..
சில நன்முகத்துடன்.
சில வன்முகத்துடன்
உறக்கத்தின் இடையில் கனவு,
அழகான அலுவலகம், தனியே நாற்காலி, கணினி..
முடிந்தது இன்றைய பொழுது. .
விடிந்தது மற்றுமொரு காலை..
எக்ஸ்யூஸ்மி சார்.. அயம் கமிங் பிரம் ..
(இதுவும் என் சொந்த அனுபவம் தானுங்கோ)
No comments:
Post a Comment